Dari pada ngomé koréng
Mending urang pelesiran
Dari pada ngomong goréng
Mending urang sisindiran
Ulah sok ka gunung guntur
Komo bari mawa sémah
Ulah sok ngomongkeun batur
Komo bari nyieun fitnah
Mang asep nu jadi hansip
Mun ngaroda mekel ketan
Anu sok resep ngagosip
Éta téh baturna sétan
Tikukur keur dahar jaat
Ngariung luhureun sumur
Buru-buru urang tobat
Meungpeung aya kénéh umur
Saninten buah saninten
Diicalna ka Ciater
Hapunten abdi hapunten
Sanés jalmi anu pinter
Manawi aya pulunganeun mangga candak!
Post a Comment
Post a Comment