Geura tengetan sing gemet sisindiran silihasih paparikan!
Leumeung teundeut cocongoan
dibawa ka Rajagaluh
meungpeung deukeut sosonoan
jaga mah urang pajauh
Korek api meuni hideung
Disimpen dina kiara
Poék-poék abdi ludeung,
Ngabélaan kasalira
Aya kujang aya linggis
Tuh dina korang neundeunna
Aya mojang meuni geulis
Aya harang na gadona
Kuring erek dahar leupeut
Deungeunna paria jeung kol
Supaya leuwih deukeut
Hayu urang video call
Sisindiran silihasih paparikan anu sejena.
Aya ronda mawa linggis
Dicepeng lebah gagangna
Aya randa meuni geulis
Tapi teu terperinci namina
Saninten sareng pagoda
Dicandak ku abah Diran
Punten abdi teu ngagoda
Tapi ukur sisindiran
Cau ambon dikorangan,
Kanyéré kapipir-pipir.
Lalaki ambon sorangan,
Awéwé teu mikir-mikir
Majar manéh nganyam samak,
Neukteukan bari motongan.
Majar manéh néang anak,
Ngadeukeutan popotongan
Nu ieu ogé sisindiran silihasih paparikan
Sabuk beubeur geura piceun,
gantian ku sutra baé.
Anu heubeul geura piceun,
gantian ku abdi baé
Ciung lain kérak lain,
Japati belang jangjangna.
Sieun lain éra lain,
éra sotéh ku bapana
Dagang seureuh papatungan,
Cangkaléng laris sasiki.
Euleuh itu popotongan,
Dikaléng ku aki-aki
September bulan agustus
Oktober mah loba kosong
Abdi bogoh ka kang Agus
Hanjakal kantongna kosong
Cag! dugi kadieu baé heula sisindiran silihasih paparikan anu tiasa dipidangkeun.
Wasalam.
Post a Comment
Post a Comment